KATIBU MKUU WIZARA YA HABARI AONGOZA KIKAO KUJADILI KANUNI ZA MAUDHUI MTANDAONI

Baadhi ya wamiliki wa mitandao ya kijamii (Bloggers, Online Media) wakiwa katika picha ya pamoja na Katibu Mkuu wa Wizara ya Habari, Utamaduni Sanaa na Michezo, Profesa Elisante Ole Gabriel (Katikati waliokaa), viongozi wa Mamlaka ya Mawasiliano Tanzania (TCRA) baada ya kumalizika kwa kikao cha mashauriano na Wadau kuhusu  huduma ya Utangazaji  (Maudhui) na kanuni za maudhui mitandaoni kwenye Ukumbi wa Mikutano wa Kimataifa wa Julius Nyerere, Dar es Salaam.

Kanuni  zizojadiliwa ni maudhui yanayorushwa na vituo vya uatangazaji  vya Redio na Televisheni n maudhui mitandaoni (Online Content) Jumla ya vyombo vya habari 76 vilishiriki kwenye kikao hicho. Wadau wamepewa wiki moja kuwasiliasha maoni yao kwenye kamati ya mashauriano ili yajadiliwe na kufanyiwa kazi kwa lengo la kuboresh kanuni.

 Wamiliki wa Wmiliki na wafanyakazi wa Vituo vya Televisheni na Radio wakiwa katika picha ya pamoja na Katibu Mkuu wa Wizara ya Habari, Utamaduni Sanaa na Michezo, Profesa Elisante Ole Gabriel (Katikati waliokaa), viongozi wa Mamlaka ya Mawasiliano Tanzania (TCRA) baada ya kumalizika kwa kikao cha mashauriano na Wadau kuhusu  huduma ya Utangazaji  (Maudhui) na kanuni za maudhui mitandaoni leo kwenye Ukumbi wa Mikutano wa Kimataifa wa Julius Nyerere, Dar es Salaam.

 Katibu Mkuu wa Wizara ya Habari, Utamaduni Sanaa na Michezo, Profesa Elisante Ole Gabriel akizungumza  kuhusu mambo mbalimbali waliyokubaliana katika kikao cha mashauriano na Wadau kuhusu  huduma ya Utangazaji  (Maudhui) na kanuni za maudhui mitandaoni leo kwenye Ukumbi wa Mikutano wa Kimataifa wa Julius Nyerere, Dar es Salaam.

 Wadaui wa habari wakiwa katika kikao hicho.

 Meneja Mipango na Utafiti wa Sahara Media Group,  Nathan Rwehabura akichangia mada wakati wa kikao hicho, ambapo pia alilalamikia ada kubwa inayotozwa kwa mwaka wamiliki wa vituo vya tv ambayo ni dola 25,000 sawa na sh/ mil/ 60.

 Mkurugenzi mstaafu wa Utangazaji wa TCRA, Habby Gunze akifafanua jambo katika kiao hicho.

 Wakili wa Jamii Forum Benedict akichangia mada wakati wa kikao hicho.

  Mkuu wa Vipindi wa EAST aFRICA radio, Nasser Kingu akichangia mada wakati wa kikao.

Asasi za Kiraia Zanzibar zawafunda raia juu ya Utetezi na Ushawishi Sera

 Washiriki wa mafunzo kutoka Asasi za Kiraia za Visiwani Zanzibar, wakiwa katika picha ya pamoja kabla ya kutawanyika kila kundi kuelekea katika vijiji viwili tofauti vya Msowelo na Matombo kwa ajili ya mafunzo kwa vitendo.  

 Kundi lililokuwa likielekea Msowelo likipiga picha ya pamoja mbele ya gari lao.

  Kundi lililokuwa likielekea Matombo likipiga picha ya pamoja mbele ya gari lao

 Wakiwasili Msowelo

Asasi za Kiraia kutoka Zanzibar zimeendelea na mafunzo ya siku mbili kuhusu Utetezi na Ushawishi wa Sera mkoani Morogoro. Asasi mbalimbali kutoka Zanzibar na Pemba ziko katika ziara ya Mafunzo iliyoratibiwa na Foundation for Civil Society (FCS) chini ya mwamvuli wa Association of Non Governmental Organizations of Zanzibar (ANGOZA) inakutanisha wawakilishi Zaidi ya 40 kutoka Zanzibar ambao wamekuja kujifunza namna mashirika ya MVIWATA (Muungano wa Vikundi vya Wakulima Wadogo Tanzania) na MPLC (Morogoro Para-Legal Center).

Katika siku ya pili washiriki hawa wamepata fursa ya kwenda uwandani ili kukutana na wanufaika wa kazi mbalimbali zinazofanywa na MVIWATA na MPLC. MVIWATA imewapeleka washiriki wilayani Kilosa katika kijiji cha Msowelo ambapo kijijini hapa kumekuwa na migogoro ya Wkulima na Wfugaji ambapo kijijini hapa MVIWATA imefanikiwa kutumia mtandao wake wa msingi kupaza sauti kwa serikali ili kutenga maeneo ya wakulima. Tayari wilayani hapa kuna mashamba 9, ambayo yamefutwa na yamekabidhiwa katika mamlaka ya wilaya ili yagawiwe kwa wananchi.

Kwa upande wa MPLC yenyewe inawaonesha washiriki hawa kazi zao katika eneo la Matombo ambako huko pia MPLC inafanya kazi za utetezi wa haki za umiliki wa ardhi kwa makundi mbalimbali yanayokabiliwa na changamoto hiyo. Shirika hilo limejizolea sifa kwa kazi zake mkoani Morogoro na pia ni shirika kongwe ambalo linafanya kazi za utetezi na ushawishi mkoani Morogoro.

Washiriki kutoka Zanzibar wanatumia nafasi hii kubaini changamoto mbalimbali zinazoyakumba makundi mbalimbali katika jamii ilhali kukiwa na mapungufu katika sera na maamuzi hali inahyowahitaji wananchi kufanya ushawishi na utetezi wa haki za kila kundi ili kuchochea jamii kubaki ikiishi kwa mani na ikiendesha maisha kwa mafanikio.

 Makamu Mwenyekiti wa Mtandao wa Msingi Msowelo, Zainab Kisegele, akizungumza na wanaasasi za Kiraia kutoka Visiwa vya Zanzibar,wakati walipofika kijijini hapo Msowelo kwa ajili ya mafunzo kwa vitendo kujifunza namna ya kupambana na changamoto za migogolo ya Ardhi na njia wanazoweza kutumia kutatua migogolo katika Kata za Vijiji.

 Mwenyekiti wa Mtandao wa Msingi Msowelo, Ally Omary, akizungumza na wanaasasi za Kiraia kutoka Visiwa vya Zanzibar,wakati walipofika kijijini hapo Msowelo kwa ajili ya mafunzo kwa vitendo kujifunza namna ya kupambana na changamoto za migogolo ya Ardhi na njia wanazoweza kutumia kutatua migogolo katika Kata za Vijiji.

 Washiri wakisikiliza kwa umakini

 Picha ya pamoja baada ya mafunzo kwa walioelekea Kijiji cha Msowelo

 Washiriki waliokuwa wakielekea Matombo wakiwa katika gari kuelekea katika mafunzo kwa vitendo.

 Wakiwa katika mafunzo

 Wakiuliza maswali kwa wenyeji wao ili kujifunza zaidi

 Mafunzo yakiendelea Matombo.....

 Mafunzo yakiendelea Matombo.....

Ushuhuda .......

Picha ya pamoja baada ya mafunzo kwa walioelekea Kijiji cha Matombo.

 Baada ya mafunzo kwa pande zote mbili Msowelo na Matombo, washiriki walikutana tena na kuungana kwa majadiliano baada ya mafunzo kwa vitendo.

 

Washiriki wakijielezea jinsi walivyoweza kujifunza kutoka kwa wenzao walokokwenda.

Srekta ya mitandao ya kijamiii na changamoto zake

Na Jumia Travel Tanzania

MIONGONI mwa sekta ambazo zimewapatia utajiri mkubwa wafanyabiashara mbalimbali duniani ni pamoja na biashara kwa njia ya mtandao. Leo hii ukiyataja majina ya kampuni kama vile Alibaba au Amazon ni watu wachache wasioyafahamu licha ya kutokuwepo nchini Tanzania. Waasisi wa makampuni hayo wamo kwenye orodha ya watu matajiri duniani, Bw. Jeff Bezos mwasisi wa Amazon ni tajiri nambari 3 huku Jack Ma ambaye ni mwasisi wa Alibaba yeye ni tajiri nambari 23.

Utajiri wa wafanyabiashara hawa sio kama wanamiliki biashara katika nchi mbalimbali bali uwezo wa makampuni yao kuwafikia wateja mahali popote walipo. Kuwafikia wateja hao Jumia Travel ingependa kukufahamisha si kwa njia nyingine bali ni kupitia mtandao wa intaneti. 

Kuja kwa mtandao wa intaneti kumerahisisha shughuli mbalimbali ikiwemo uendeshaji wa biashara. Mitandao kama Alibaba na Amazon iliona fursa kubwa kupitia intaneti ambazo inawezekana wafanyabiashara wenyewe hawakuziona. Fursa ambazo wao waliziona ni kwa kuwakutanisha wateja kutoka sehemu tofauti mtandaoni. 

Hivyo wao suluhu waliyoiona badala ya wafanyabiashara kutegemea wateja kuja moja kwa moja dukani, wao waliona ni vema wafanyabiashara kuziweka bidhaa zao mtandaoni zikiwa na taarifa kamili kama vile mwonekano wake, sifa, ubora, bei na namna ya kuzipata. Baada ya kufanya hivyo ndipo wateja wao wenyewe wapitie mtandaoni na kuchagua zile walizovutiwa nazo. 

Tafiti mbalimbali zilizofanywa na taasisi tofauti za kibiashara zimebaini kwamba kuna mambo ya msingi kadhaa ya kuzingatia pale unapotaka kufanya biashara kwa njia ya mtandao. Yapo masuala mbalimbali ambayo wafanyabiashara wanaaswa lakini yafuatayo ndiyo msingi mkuu zaidi.

Uharaka. Mojawapo ya changamoto kubwa ambayo manunuzi ya bidhaa mtandaoni imekuja kutatua ni upoteaji wa muda unaotumiwa na mteja kutoka eneo moja kwenda kwingine. Hivyo basi, ili kumshawishi mteja anunue bidhaa zako kwa mfumo huo lazima umhakikishie kwamba atatumia muda mchache mpaka kuipata huduma hiyo. Isiwe kwamba mteja anatumia muda mwingi kuipata bidhaa aliyoiagiza tofauti kama angeamua kuifuata mwenyewe dukani. Tafiti zinaonyesha kwamba wateja wapo tayari kulipa zaidi endapo kutakuwepo na uharaka mkubwa wa kufukiwa na huduma.    

Uaminifu. Je bidhaa aliyoiona na kuiagiza mteja ndiyo sahihi iliyomfikia? Je sifa ambazo alizoziona mtandaoni ndizo anazoziona mara baada ya bidhaa kumfikia? Je ni kweli bidhaa imemfikia kwa wakati kama alivyoahidiwa baada ya kufanya manunuzi? Haya ni maswali ya msingi ambayo mteja wa mara ya kwanza wa mtandaoni atakuwa anasubiri majibu. Majibu ya maswali hayo ndiyo yatakayozaa uaminifu baina ya mfanyabiashara na mteja ili aendelee kufanya manunuzi tena na tena. Kama mfanyabiashara, uaminifu ni kitu muhimu sana kwani kumbuka ni mtandao pekee ndio unaowaunganisha.       

Vifungashio (Packaging). Endapo ulikuwa haufahamu miongoni mwa vitu ambavyo huwavutia wateja ni pamoja na bidhaa inavyofungashwa. Hii inamaanisha kwamba vile bidhaa ungependa kumfungashia baada ya kufanya manunuzi kwa kuja dukani kwako iwe sawa ni vile itakavyokuwa kwa mtandaoni. Bila ya kujali mteja amemtumia kiasi gani kwenye manunuzi yake, vifungashio vya kuvutia humfanya  kuridhika zaidi na kuvutiwa kutumia tena huduma zako.   
    

Mbali na dunia kubadilika na kuhamia kwenye mifumo ya kimtandao bado kwa nchi zinazoendelea kama vile Tanzania ni changamoto. Baadhi ya sababu ambazo zimekuwa zikiwafanya watanzania kuwa wazito kidogo kufanya manunuzi ya bidhaa mtandaoni ni pamoja na: 

Kuiona bidhaa. Ni utamaduni sio tu wa watanzania bali hata waafrika wengi pia kufanya maamuzi juu ya bidhaa wanayotaka kuinunua mpaka kuiona. Hivyo basi zinahitajika jitihada za ziada katika kuwaaminisha wateja kwamba kile wanachokiona ndicho watakachokipata.    

Kuishika na kuijaribu bidhaa ili kujiridhisha. Kuiona tu bidhaa pekee haitoshi, watanzania wengi wana kawaida ya kuishika na hata kuijaribu bidhaa kabla ya kufanya maamuzi. Kwa kufanya hivyo wanaamini kwamba wanakuwa wamejiridhisha kwamba ni chaguo sahihi ndipo wafanye maamuzi. Kuitatua changamoto hii wafanyabiashara wanatakiwa kutoa elimu ya kutosha kwa wateja wao kuzifahamu kwa undani zaidi bidhaa wanazozihitaji ili kutokuwa na wasiwasi pale wanapofanya manunuzi. 

Ugumu katika kuitumia tekinolojia. Kutokana na changamoto ya tekinolojia hizi mpya sio watu wana ufahamu wa kutosha wa namna ya kuzitumia. Elimu ya kutosha inahitajika pamoja juu ya mifumo na urahisi kwenye kuitumia. Ili manunuzi ya mtandaoni yawe rahisi basi kuna umuhimu wa mifumo kuwa rafiki kwa wateja.

Hofu ya wizi wa mitandaoni. Kwa kuwa mifumo hii ni mipya miongoni mwa watanzania wengi, bado kuna hofu juu ya tahadhari za wizi unaoweza kutokea mitandaoni. Wafanyabiashara wa mitandaoni wanatakiwa kuwaelimisha na kuwaaminisha kwamba ni salama. Mbali na hapo inabidi kubuni njia salama zaidi za malipo au kutumia ile mifumo ambayo watanzania wanaiamini kama vile kulipia bidhaa pale zinapowafikia. 

Sababu ya mwisho ingawa zipo nyinginezo ni muda unaotumika mpaka bidhaa kumfikia mteja. Kuzingatia uharaka kwenye kuwafikishia wateja bidhaa pale walipo ndio kitu cha kuzingatia zaidi katika biashara za mtandaoni. Na nadhani ndio sababu kubwa iliyopelekea mfumo wa biashara kuenea sehemu nyingi duniani. Kwa mfano, Dar es Salaam ni miongoni mwa jiji yanayokumbwa na changamoto ya foleni za magari barabarani. Hali hiyo hupelekea wakazi wake kupoteza muda mwingi ambao ungeweza kutumika sehemu nyingine. Hivyo kwa kulitambua hili wafanyabiashara wa manunuzi ya mtandaoni wanaweza kuitumia kama fursa kwa kuwafikishia huduma wateja pale walipo huku wao wakiendelea na shughuli nyingine za kujenga taifa.

Ni dhahiri kwamba tekinolojia imedabili shughuli nyingi sana na kuwafanya kuwa werevu ukilinganisha na kipindi cha nyuma. Jumia Travel inaamini wafanyabishara hawana budi kuyazingatia mambo ya msingi katika uendeshaji wa biashara za mitandaoni na kuzijua tamaduni za watanzania. Kikubwa zaidi ni kuwajua wateja ni watu wa aina gani, wana mitazamo ipi na vitu gani wanapendelea ni mwanzo wa kufanikiwa kwenye jambo lolote.

Hivi dawa ni kulalamika au kuchukua hatua..?

Rais wa Tanzania, John Pombe Magufuli

MARA nyingi Rais wa Tanzania, John Pombe Magufuli amekuwa akitoa kauli akisisitiza Watu kufanya kazi kwa juhudi na maarifa ili wajiimarishie kipato binafsi. Watu wanapolalamika kuwa maisha ni magumu, hakuna pesa mitaani jibu analolitoa Rais Magufuli anasisitiza Watu kufanya kazi kwa bidii na maarifa ili kupambana na hali ya maisha iliyopo.

Rais Magufuli sio kiongozi wa kwanza nchini kusisitiza juu ya Wananchi kufanya kazi kwa bidii. Kumbukumbu zinaonyesha hata Baba wa Taifa, Mwalimu Julius Kambarage Nyerere naye pia alikuwa akisisitiza juu ya Watu kufanya kazi kwa bidii.

Wakati tunapata uhuru wetu mwaka 1961 kutoka kwa Waingereza kila Mtanganyika alikuwa na maana yake kichwani ya kuelewa nini maana ya uhuru. Wapo walioamini kuwa huo ndio utakuwa mwisho wa ubaguzi wa rangi, hadhi, kabila uliokuwa ukifanywa na Wakoloni; wengine waliamini kupata uhuru ni kufanikiwa kuziondoa tawala mbovu, nyonyaji na za kidhalimu za Wakoloni.

Licha ya mawazo mazuri waliyokuwa nayo baadhi yao, lakini kwa upande wa mwasisi mwenyewe wa uhuru wetu alikuwa na mtazamo tofauti kabisa na zilivyokuwa mawazo ya watu. Yeye Mwalimu Julius Kambarage Nyerere alikuwa na maana ya kipekee kabisa juu ya dhana nzima ya uhuru.

Kwa upande wa Baba wa Taifa letu Mwalimu Nyerere aliamini na kusema ya kuwa “tumefanikiwa kuwaondoa Wakoloni na hivyo tupo huru. Na uhuru maana yake ni kazi”. Mwisho wa kunukuu.

Hapa Mwalimu Nyerere alikuwa na maana ili tuweze kupiga hatua kimaendeleo ni lazima tuutumie huu uhuru wetu vilivyo katika kupiga hatua kimaendeleo kupitia kufanya kazi kwa bidii na maarifa yetu yote ili kuleta maboresho ya kina katika Nyanja zote zile za kimaisha yaani uchumi, kijamii na kisiasa. Bila ya kufanya kazi kwa bidii, uhuru wetu ni sawa na mzoga.

Na ndio maana Mwalimu Nyerere kama kiongozi alianza kwa kuonyesha mfano wa dhahiri wa kuanzisha mapambano kwa vitendo dhidi ya maadui zetu watatu ambao ni ujinga, maradhi na umaskini.

Sehemu kubwa ya mafanikio yake yalitokana ama ni kupitia kuanzisha maazimio, mashirika, kauli mbiu na sera mbalimbali. Hayo yote aliyafanya kwa vitendo zaidi na si porojo, lawama, maandamano, wala manung’uniko.

Pia Mwalimu Nyerere alikuwa na falsafa ama dhana ya kimaendeleo ambapo aliamini maendeleo sahihi hayawezi yakapatikana nje ya uwepo wa mambo makuu manne ambayo ni “watu”, “ardhi”, “siasa safi” na “uongozi bora”.

Naam!! “Watu” ni kiungo kimoja wapo kikuu cha hakikisho la maendeleo chanya yeyote yale ndani ya familia, jamii ama Taifa kwa ujumla wake. Mathalani, endapo tutakuwa na miundombinu bora ni watu ndio wamechangia uwepo wake; ama kama tutakuwa na mazao ya kutosha kwa ajili ya chakula, biashara na kiada basi ujue ni watu wameweka jitihada za kutosha.

Halikadhalika kama kuna amani na utulivu nchini basi ujue ni watu wamechangia hilo. Jamani, hata Wahenga walisema: “usione vyaelea, ujue vimeundwa”, na waundaji wenyewe ni Wananchi (mimi, wewe na Yule).

Licha ya uwepo wa utajiri wa nguvu kazi takribani Watu Milioni 50 lakini bado watu hao hao ndani ya jamii wanachojua wao ni utegemezi pekee. Kivipi?

Kwa jinsi tuanavyoishi utadhani tunawangojea baadhi ya watu kutoka nje ya nchi ili waje watuletee maendeleo kwetu yaani imefika kipindi kwa mtu hata kutandika kitanda chake mwenyewe anacholalia imekuwa ni kazi kubwa kwake.

Kuna kipindi ulitolewa utafiti uliofanywa na Ofisi ya Taifa ya Takwimu (NBS) uliobaini asilimia 71 ya Watanzania wanatumia muda mwingi kufanya shughuli zisizokuwa za uzalishaji mali wala tija kwa Taifa hasa za kufanya starehe mbalimbali.

Hii ni hatari sana na inaonyesha namna gani baadhi ya Watanzania tusivyojitambua. Kikubwa ambacho kinaonekana ni kujikita mizizi ya dhana nzima ya kibaguzi iliyojengeka akilini ama kwenye mitazamo ya watu ambapo tumediriki kuwaachia viongozi pekee huku tukijiengua katika kapu la dhana ya neno “serikali” wakati kiuhalisia na kimaantiki na Wananchi nao pia ni sehemu ya Serikali.

Ni kweli kabisa kwamba Serikali ni chombo cha utawala kilichoshika dola ama nchi kwa lengo la kuwaletea maendeleo Wananchi. Na wanaoiwezesha ama kuipa mamlaka hayo Serikali ni Wananchi. Bila ya watu hakuna serikali na pia Serikali haina uhalali wa kuwepo bila ya kuwepo kwa watu.

Na kundi lingine linalounda Serikali ni viongozi. Hivyo Serikali ni muunganiko kati ya viongozi na Wananchi. Daima na tena ni dhambi kubwa sana kuwatenganisha makundi haya (Wananchi na viongozi) katika chungu hiki Serikali.

Wananchi siku hizi wamekuwa washadidiaji wakubwa wa siasa na bila ya wao kujitambua ya kwamba hutumia muda mwingi sana kushindia na kulalia katika dimbwi la porojo za kisiasa bila ya kujibidiisha. Maendeleo yatapatikanaje bila ya sisi wenyewe kujishughulisha?

Utakuta vijana walio wengi kutwa wanashinda kwenye kucheza “pool table” na kukaa vijiweni tu; Wazee ama akina Baba nao kutwa wanacheza “bao” ama “draft” tu; na akina Mama nao kila kukicha wapo vibarazani wakisutana na kupashana umbea tu. Hayo ndio maisha ya kila siku ya baadhi ya wanajamii ya kutokupenda kufanya kazi kwa bidii.

Mwananchi huyo huyo anaitegemea Serikali ije impatie fedha mikononi bila ya yeye kujishughulisha kwa kufanya kazi yeyote ile ya kumpa kipato. Hakuna Serikali yeyote ile duniani inayoweza kuwapatia wananchi wake pesa lukuki bila ya wao kujishughulisha.

Kama hauamini, jaribu kufanya utafiti katika nchi zilizoendelea utakubaliana nami kuwa hakuna Taifa lolote lile lenye raia wasiojibidiisha kwa kutegemea mteremko kutoka kwa Serikali zao. Yatazame mataifa kama ya Marekani, Uingereza, China au Urusi wakazi wake wanavyotambua ya kuwa thamani ya pesa yao na uchumi wa nchi unategemea zaidi ni kwa jinsi gani watu wa ndani (wao wenyewe) wanavyozalisha mali.

Lakini sie hatujitambui na tupo bize kwa kujiteketeza na porojo kila uchwao. Hapa tumesaliti Mwalimu Nyerere na alivyoamini maana ya uhurukuwa ni kufanya kazi kwa bidii, umasikini hautatuacha kweli? Nani wa kulaumiwa ni serikali na viongozi wake ama ni sisi Wananchi?

Hii yote inatokana na jamii kuziasi mitazamo miongozo na falsafa za Mwalimu Nyerere (mathalani ile ya “Uhuru ni kazi”) hali inayosababisha kiwango cha idadi ya watu maskini kuzidi kukua nchini licha ya kujaariwa rasilimali na mali za asili kwa kuyachakachua maendeleo yetu wenyewe. Kisa? Porojo kutawala maisha yetu.

Tusiishie kuwalaumu tu Viongozi wetu kila kukicha huku tukisahau jinsi sisi tulivyo wavivu sana wa kupindukia. Watanzania tulio wengi hatupendi kufanya kazi kwa bidii na kwa ubunifu. Watanzania tulio wengi hatupendi njia nyoofu na sahihi badala yake tunapenda njia ya mkato ya kujipatia vipato vyetu. Watanzania wengi tunapenda sana kufanya madili, ama “michongo” kama wanavyoita watoto wa mjini.

Kwenye salam zao ama maongezi mengi ya Watanzania ni nadra sana kukosa kusikia maneno kama vile “mambo mengine niaje, ishu vipi ama madili yakoje”. Ni dhahiri kuwa hapa inatafutwa njia ya mkato ya mafanikio katika maisha. Hali hii huzaa matokeo endelevu mabovu ndani ya jamii kama vile utapeli; ujambazi; ongezeko la mihadarati na madawa ya kulevya; mauaji ya maalbino na vikongwe; pamoja na uchafu ama uozo mwingine kadha wa kadha unaofanana na huo.

Chanzo haswa cha uwepo wa utafutaji mambo kwa njia ya mkato halijasababishwa na Viongozi ndani ya Serikali bali msingi wake mkuu niWatu tulio wengi kutaka matokeo chanya yenye faida na matunda kwa haraka na hata pia kukata tama ya kimaisha kwa haraka zaidi kutokana na kujinyima fursa ya uvumilivu na ustahimilifu ndani yetu.

Mapambano ya maisha ni sawa na vita kali ambapo si tu jukumu la viongozi bali hata nasi Wananchi tuna wajibu mkubwa wa kufanya kazi kwa bidii na si kulalama tu kila kukicha.

Kuna usemi mmoja unaosema “Wanaofanikiwa zaidi ni wale walioshindwa mara nyingi” Je utashindwaje, kama hujajaribu mara nyingi? Je mafanikio katika maisha yanapatikana kwa mara moja tu? Haya ni maswali muhimu na ya msingi sana kwa Watanzania, kujiuliza.

Ifike mahali tujitambue ya kwamba kelele, tuhuma, lawama, dharau kwa viongozi wetu hazitatusaidia endapo sisi kwa sisi hatujaamua kujibidisha ipasavyo. Utakuta ndani ya jamii fulani tupo zaidi ya watu laki mbili lakini tunamtegemea kiongozi mmoja tu awe ni Mbunge ama Diwani ili aweze kutuletea maendeleo. Endapo sisi tulio wengi tumeshindwa kuwa kitu kimoja wenye nia moja ya umoja, mshikamano na tukaamua kwa dhati kujiletea maendeleo; Je, kiongozi mmoja pekee atawezaje?

Ndugu zangu, kwanini alaumiwe dobi kutakasa kaniki wakati tunajua rangi ya kaniki? Ni lazima tutambue ya kwamba sisi raia pia tunahusika vilivyo na huu umaskini wetu na si vyema kuwasukumizia mzigo wote wa lawama viongozi wetu pekee. Watanzania tulio wengi tunapoteza muda mwingi kwa kukaa vijiweni, kushabikia siasa tu, kupiga soga na kucheza bao muda wote. Je, tukiamua kujishughulisha kwa kuutumia muda huo ipasavyo tungekuwa wapi kimaendeleo hivi sasa?

Waswahili walisema usimuhadithie mtu ndoto yako uliyoota jana usiku lakini hapa ni kinyume kwani siri tunasema na bayana tunaambizana. 

Binafsi huwa Napata ukakasi pindi nionapo Serikali ina sera na majukumu lukuki lakini Watanzania tulio wengi hatushiriki vyema na hata hatutimizi wajibu wetu kwa wakati. Mwenye jukumu la kulifuatilia Taifa letu kwa ukaribu na utendaji ni serikali pekee ama na Wananchi pia? Je, kwa uwajibikaji huu, maisha bora kwa kila Mtanzania yatapatikana kweli?

Mara nyingi sera tulizonazo zinategemea zaidi umoja, mshikamano, ushirikiano na nia ya dhati ya uwajibikaji wa pamoja kiutekelezwaji. Kamwe maisha bora kwa kila Mtanzania hayaji kwa kuota au kupiga soga ama kwa kungojea mpaka uone Tanzania (nchi yako) imekufanyia nini na badala yake ujiulize wewe mwenyewe umeifanyia nini Tanzania?

Kuna wanamapinduzi, wanaharakati na watu mashuhuri wengi tu hapa Duniani ambao hawakungoja mpaka waone nchi zao zimewafanyia nini na badala yake walijiuliza wamezifanyia nini nchi zao?

Mwalimu Julius Nyerere, Nelson Mandela, Martin Luther King Jnr, Kwame Nkurumah, Chifu Mkwawa ni baadhi tu ya Wanaharakati na wakombozi wa kweli dhidi ya Uhuru na ubaguzi wa ngozi nyeusi ambao milele na milele watabakia kuwa ni mashujaa maarufu wa ulimwengu. Jiulize mwenyewe wewe je utakumbukwa, ama tutajivunia nini kutoka kwako? Je, ni kwa huo ugoigoi wako ama kwa uwajibikaji wako?

Tuache uvivu na tujitume vilivyo kwa kuchangamkia fursa na Baraka tulizojaaliwa. Mungu ametujaalia wingi wa ardhi yenye rutuba ifaayo kwa kilimo, misitu, wanyama pori na vyanzo vingi vya kujiletea maendeleo.

Hata kama Rais John Pombe Magufuli ni mzuri kiasi gani hatoweza kuleta maendeleo tarajiwa kwa Watu endapo sisi wenyewe Watanzania (Watu) hatutafanya kazi kwa bidii na badala yake tutasikia uchumi wa Taifa umekuwa lakini pato binafsi la Mtanzania likiendelea kushuka. Dawa ya kukuza mapato binafsi ni kwa kufanya kazi kwa bidii kwa kuzichangamkia fursa za kiuchumi tulizojaaliwa.

Tanzania isiyo na maradhi inawezekana; Tanzania yenye uchumi imara mpaka kwa Wananchi wake inawezekana; Tanzania yenye huduma bora zaidi za kijamii inawezekana; Hakika Tanzania yenye maisha bora zaidi pia inawezekana. Hii itawezekana tu endapo kila mmoja wetu atatimiza wajibu ipasavyo kwake na kwa Taifa lake. Tuache kulalamika tu, tuanze kuchukua hatua ya kujituma kutimiza wajibu wetu ipasavyo wa kufanya kazi kwa bidii.

0767488622